Кафизма 20 и окончание псалтири

Псалтирь. Кафизма 20

Кафизма 20 и окончание псалтири

Псало́м Дави́ду, к Голиа́фу.

1 Благослове́н Госпо́дь Бог мой, науча́яй ру́це мои́ на ополче́ние, пе́рсты моя́ на брань. 2 Ми́лость моя́ и прибе́жище мое́, Засту́пник мой и Изба́витель мой, Защи́титель мой, и на Него́ упова́х: повину́яй лю́ди моя́ под мя.

3 Го́споди, что есть челове́к, я́ко позна́лся еси́ eму́? Или́ сын челове́чь, я́ко вменя́еши eгó? 4 Челове́к суете́ уподо́бися: дни́е eго́ я́ко сень прехо́дят. 5 Го́споди, приклони́ небеса́, и сни́ди, косни́ся гора́м, и воздымя́тся. 6 Блесни́ мо́лнию, и разжене́ши я́, посли́ стре́лы Твоя́, и смяте́ши я́.

7 Посли́ ру́ку Твою́ с высоты́, изми́ мя и изба́ви мя от вод мно́гих, из руки́ сыно́в чужди́х, 8 и́хже уста́ глаго́лаша суету́, и десни́ца их – десни́ца непра́вды. 9 Бо́же, песнь но́ву воспою́ Тебе́, во псалти́ри десятостру́ннем пою́ Тебе́, 10 даю́щему спасе́ние царе́м, избавля́юшему Дави́да, раба́ Своего́, от меча́ лю́та.

11 Изба́ви мя, и изми́ мя из ру́ки сыно́в чужди́х, и́хже уста́ глаго́лаша суету́, и десни́ца их – десни́ца непра́вды. 12 И́хже сы́нове их я́ко новосажде́ния водруже́нная в ю́ности свое́й. Дще́ри их удо́брены, преукра́шены, я́ко подо́бие хра́ма.

13 Храни́лища их испо́лнена, отрыга́ющая от сего́ в сие́, о́вцы их многопло́дны, мно́жащыяся во исхо́дищах свои́х, воло́ве их то́лсти. 14 Несть паде́ния опло́ту, ниже́ прохо́да, ниже́ во́пля в сто́гнах их. 15 Ублажи́ша лю́ди, и́мже сия́ суть. Блаже́ни лю́дие, и́мже Госпо́дь Бог их.

Псалом 144

Хвала́ Дави́ду.

1 Вознесу́ Тя, Бо́же мой, Царю́ мой, и благословлю́ и́мя Твое́ в век и в век ве́ка. 2 На всяк день благословлю́ Тя и восхвалю́ и́мя Твое́ в век и в век ве́ка. 3 Ве́лий Госпо́дь и хва́лен зело́, и вели́чию Его́ несть конца́. 4 Род и род восхва́лят дела́ Твоя́ и си́лу Твою́ возвестя́т.

5 Великоле́пие сла́вы святы́ни Твоея́ возглаго́лют и чудеса́ Твоя́ пове́дят. 6 И си́лу стра́шных Твои́х реку́т и вели́чие Твое́ пове́дят. 7 Па́мять мно́жества бла́гости Твоея́ отры́гнут и пра́вдою Твое́ю возра́дуются. 8 Щедр и Ми́лостив Госпо́дь, Долготерпели́в и Многоми́лостив.

9 Благ Госпо́дь вся́ческим, и щедро́ты Его́ на всех де́лех Его́. 10 Да испове́дятся Тебе́, Го́споди, вся дела́ Твоя́, и преподо́бнии Твои́ да благословя́т Тя. 11 Сла́ву Ца́рствия Твоего́ реку́т, и сил́у Твою́ возглаго́лют, 12 сказа́ти сыново́м челове́ческим си́лу Твою́, и сла́ву великоле́пия Ца́рствия Твоего́.

13 Ца́рство Твое́, Ца́рство всех веко́в, и влады́чество Твое́ во вся́ком ро́де и ро́де. Ве́рен Госпо́дь во всех словесе́х Свои́х и Преподо́бен во всех де́лех Свои́х. 14 Утвержда́ет Госпо́дь вся низпа́дающыя и возставля́ет вся низве́рженныя. 15 О́чи всех на Тя упова́ют, и Ты дае́ши им пи́щу во благовре́мении.

16 Отверза́еши Ты ру́ку Твою́ и исполня́еши вся́кое живо́тно благоволе́ния. 17 Пра́веден Госпо́дь во всех путе́х Свои́х и Преподо́бен во всех де́лех Свои́х. 18 Близ Госпо́дь всем призыва́ющым Его́, всем призыва́ющым Его́ во и́стине. 19 Во́лю боя́щихся Его́ сотвори́т и моли́тву их услы́шит и спасе́т я́.

20 Храни́т Госпо́дь вся лю́бящыя Его́ и вся гре́шники потреби́т. 21 Хвалу́ Госпо́дню возглаго́лют уста́ моя́, и да благослови́т вся́ка плоть и́мя свято́е Его́ в век и в век ве́ка.

Слава:

Псалом 145

Аллилу́иа, Агге́а и Заха́рии.

1 Хвали́, душе́ моя́, Го́спода. 2 Восхвалю́ Го́спода в животе́ мое́м, пою́ Бо́гу моему́, до́ндеже есмь. 3 Не наде́йтеся на кня́зи, на сы́ны челове́ческия, в ни́хже несть спасе́ния. 4 Изы́дет дух eго́ и возврати́тся в зе́млю свою́. В той день поги́бнут вся помышле́ния eго́.

5 Блаже́н, eму́же Бог Иа́ковль Помо́щник его́, упова́ние eго́ на Го́спода Бо́га своего́, 6 сотво́ршаго не́бо и зе́млю, мо́ре и вся, я́же в них, храня́щаго и́стину в век, 7 творя́щаго суд оби́димым, даю́щаго пи́щу а́лчушым. Госпо́дь реши́т окова́нныя. 8 Госпо́дь умудря́ет слепцы́. Госпо́дь возво́дит низве́рженныя. Госпо́дь лю́бит пра́ведники.

9 Госпо́дь храни́т прише́льцы, си́ра и вдову́ прии́мет и путь гре́шных погуби́т. 10 Воцари́тся Госпо́дь во век, Бог твой, Сио́не, в род и род.

Псалом 146

Аллилу́иа.

1 Хвали́те Го́спода, я́ко благ псало́м. Бо́гови на́шему да услади́тся хвале́ние. 2 Зи́ждай Иерусали́ма Госпо́дь, разсе́яния Изра́илева собере́т. 3 Исцеля́яй сокруше́нныя се́рдцем и обязу́яй сокруше́ния их. 4 Исчита́яй мно́жество звезд и всем им имена́ нарица́яй.

5 Ве́лий Госпо́дь наш, и ве́лия кре́пость Его́, и ра́зума Его́ несть числа́, 6 Прие́мляй кро́ткия Госпо́дь, смиря́яй же гре́шники до земли́. 7 Начни́те Го́сподеви во испове́дании, по́йте Бо́гови на́шему в гу́слех.

8 Одева́ющему не́бо о́блаки, уготовля́ющему земли́ дождь, прозяба́ющему на гора́х траву́ и злак на слу́жбу челове́ком, 9 даю́щему ското́м пи́щу их, и птенце́м вра́новым призыва́ющым Его́. 10 Не в си́ле ко́нстей восхо́щет, ниже́ в лы́стех му́жеских благоволи́т.

11 Благоволи́т Госпо́дь в боя́щихся Его́ и во упова́ющих на ми́лость Его́.

Псалом 147

Аллилу́иа, Агге́а и Заха́рии.

1 Похвали́, Иерусали́ме, Го́спода, хвали́ Бо́га Твоего́, Сио́не, 2 я́ко укрепи́ вереи́ врат Твои́х, благослови́ сы́ны твоя́ в тебе́. 3 Полага́яй преде́лы Твоя́ мир, и ту́ка пшени́чна насыща́яй тя.

4 Посыла́яй сло́во Свое́ земли́, до ско́рости тече́т сло́во Его́, 5 даю́щаго снег Свой, я́ко во́лну, мглу, я́ко пе́пел, посыпа́ющаго, 6 мета́ющаго го́лоть Свой, я́ко хле́бы. Проти́ву лица́ мра́за Его́ кто постои́т? 7 По́слет сло́во Свое́, и иста́ет я́, дхнет дух Его́, и потеку́т во́ды.

8 Возвеща́яй сло́во Свое́ Иа́кову, оправда́ния и судьбы́ Своя́ Изра́илеви. 9 Не сотвори́ та́ко вся́кому язы́ку, и судьбы́ Своя́ не яви́ им.

Слава:

Псалом 148

Аллилу́иа, Агге́а и Заха́рии.

1 Хвали́те Го́спода с небе́с, хвали́те Его́ в вы́шних. 2 Хвали́те Его́, вси А́нгели Его́, хвали́те Его́, вся си́лы Его́. 3 Хвали́те Его́, со́лнце и луна́, хвали́те Его́, вся зве́зды и свет. 4 Хвали́те Его́ Небеса́ небе́с и вода́, я́же превы́ше небе́с.

5 Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. 6 Поста́ви я́ в век и в век ве́ка, повеле́ние положи́, и не ми́мо и́дет.

7 Хвали́те Го́спода от земли́, зми́еве и вся бе́здны: 8 огнь, град, снег, го́лоть, дух бу́рен, творя́щая сло́во Его́, 9 го́ры и вси хо́лми, древа́ плодоно́сна и вси ке́дри, 10 зве́рие и вси ско́ти, га́ди и пти́цы перна́ты.

11 Ца́рие зе́мстии и вси лю́дие, кня́зи и вси судии́ зе́мстии, 12 ю́ноши и де́вы, ста́рцы с ю́нотами 13 да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́. 14 И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́.

Псалом 149

Аллилу́иа.

1 Воспо́йте Го́сподеви песнь но́ву, хвале́ние Его́ в це́ркви преподо́бных. 2 Да возвесели́тся Изра́иль о Сотво́ршем eго́, и сы́нове Сио́ни возра́дуются о Царе́ свое́м. 3 Да восхва́лят и́мя Его́ в ли́це, в тимпа́не и псалти́ри да пою́т Ему́. 4 Я́ко благоволи́т Госпо́дь в лю́дех Свои́х, и вознесе́т кро́ткия во спасе́ние.

5 Восхва́лятся преподо́бнии во сла́ве и возра́дуются на ло́жах свои́х. 6 Возноше́ния Бо́жия в горта́ни их, и мечи́ обою́ду остры́ в рука́х их: 7 сотвори́ти отмще́ние во язы́цех, обличе́ния в лю́дех, 8 связа́ти цари́ их пу́ты, и сла́вныя их ручны́ми око́вы желе́зными, 9 сотвори́ти в них суд напи́сан.

Сла́ва сия́ бу́дет всем преподо́бным Его́.

Псалом 150

Аллилу́иа.

1 Хвали́те Бо́га во святы́х Его́, хвали́те Его́ во утверже́нии си́лы Его́. 2 Хвали́те Его́ на си́лах Его́, хвали́те Его́ по мно́жеству вели́чествия Его́.

3 Хвали́те Его́ во гла́се тру́бнем, хвали́те Его́ во псалти́ри и гу́слех. 4 Хвали́те Его́ в тимпа́не и ли́це, хвали́те Его́ во стру́нах и орга́не.

5 Хвали́те Его́ в кимва́лех доброгла́сных, хвали́те Его́ в кимва́лех восклица́ния. 6 Вся́кое дыха́ние да хва́лит Го́спода.

Слава:

Псалом 151

Сей псало́м осо́бь пи́сан, Дави́дов, и вне числа́ 150 псалмо́в, внегда́ единобо́рствоваше на Голиа́фа.

Мал бех в бра́тии мое́й и ю́нший в дому́ отца́ моего́, пасо́х о́вцы отца́ моего́. Ру́це мои́ сотвори́сте орга́н, и пе́рсты мои́ соста́виша псалти́рь. И кто возвести́т Го́сподеви моему́? Сам Госпо́дь, Сам услы́шит.

Сам посла́ А́нгела Своего́, и взят мя от ове́ц отца́ моего́, и пома́за мя еле́ем пома́зания своего́. Бра́тия моя́ добри́ и вели́цы, и не благоволи́ в них Госпо́дь. Изыдо́х в сре́тение иноплеме́ннику, и прокля́т мя идо́лы свои́ми.

Аз же, исто́ргнув меч от него́, обезгла́вих eго́, и отъя́х поноше́ние от сыно́в Изра́илевых.

По 20-й кафисме, Трисвятое по Отче наш:
Tажe тропари, глас 8:

Исполне́ние всех благи́х Ты еси́, Христе́ мой, испо́лни ра́дости и весе́лия ду́шу мою́, и спаси́ мя, я́ко Еди́н Многоми́лостив.

Слава: А́ще и согреши́х, Христе́ Спа́се мой, пред Тобо́ю, ино́го Бо́га ра́зве Тебе́ не вем, дерза́ю же на Твое́ благоутро́бие, обраща́ющагося приими́ мя, Благоутро́бне О́тче и Сы́не единоро́дне и Ду́ше Святы́й, я́ко блу́днаго сы́на, и спаси́ мя.

И ныне: Ино́го прибе́жища и те́плого предста́тельства, ра́зве Тебе́, не вем, я́ко дерзнове́ние иму́щи ко и́же из Тебе́ рожде́нному, Влады́чице, помози́ и спаси́ мя, раба́ Твоего́.

Го́споди, поми́луй (40) и молитва:

Го́споди Иису́се Христе́ Бо́же мой, поми́луй мя, гре́шнаго, и прости́ ми, недосто́йному рабу́ Твоему́, ели́ка Ти согреши́х чрез все живота́ моего́ вре́мя, и да́же до днесь, и а́ще что я́ко челове́к согреши́х, во́льная моя́ прегреше́ния и нево́льная, де́лом и сло́вом, я́же умо́м и мы́слию, я́же от совосхище́ния и невнима́ния, и мно́гия моея́ ле́ности и небреже́ния. А́ще же и́менем Твои́м кля́хся, а́ще же лжекля́хся, или́ ху́лих мы́слию, или́ кого́ укори́х, или́ оклевета́х, или́ опеча́лих, или́ в не́чесом прогне́вах, или́ окрадо́х, или́ блу́дствовах, или́ солга́х, или́ та́йно ядо́х, или́ друг дости́же ко мне, и презре́х eго́, или́ бра́та оскорби́х и преогорчи́х, или́ стоя́щу ми на моли́тве и псалмопе́нии, ум мой лука́вый на лука́вая обхожда́ше, или́ па́че ле́паго наслади́хся, или́ безу́мно сме́яхся, или́ кощу́нно глаго́лах, или́ тщесла́вихся, или́ горди́хся, или́ добро́ту су́етную ви́дех и от нея́ прельсти́хся, или́ неле́пая мне поглуми́хся. А́ще в чесо́м о моли́тве мое́й неради́х, или́ за́поведей духо́внаго моего́ отца́ не сохрани́х, или́ праздносло́вих, или́ и́но что лука́вое сотвори́х, сия́ бо вся и вя́щшая сих соде́ях, и́хже ниже́ по́мню. Поми́луй, Го́споди, и прости́ ми вся, да в ми́ре усну́ и почи́ю, поя́, и благословя́, и сла́вя Тя, со Безнача́льным Твои́м Отце́м и с Пресвяты́м, и Благи́м, и Животворя́щим Твои́м Ду́хом, ны́не и при́сно и во ве́ки веко́в. Ами́нь.

Заметили ошибку в тексте? Выделите ее мышкой и нажмите Ctrl+Enter

Источник: //www.orthodox-books.info/literature/psaltir/na-russkom-yazyke/kafizma-20.html

Кафизма – что это такое?

Кафизма 20 и окончание псалтири

Сегодня наблюдается большой рост интереса к православной вере. И это наверняка связано с тем, что люди начали искать Бога. Ведь жизнь с ее крутыми поворотами очень часто заводит их в настоящий тупик. И потом у каждого начинается своя дорога к Богу. При этом основным спутником становится молитва.

Она, как светильник во тьме, начинает освящать путь. Вот только нужно научиться правильно ее использовать и понимать. Поможет в этом каждому верующему самая сильная богослужебная книга – Псалтырь и кафизмы. И если с первым понятием все ясно, то второе у многих вызывает неподдельное удивление.

Соответственно, неопытных верующих интересует вопрос: кафизма – что это такое? Поговорим обо всем по порядку.

Кафизма: что это такое?

Богослужебный раздел Псалтири называется кафизмой. Это слово с греческого переводится как «сидеть». То есть во время ее чтения на службе не обязательно стоять на ногах. Разрешается присесть.

Кафизм в священной книге православных очень много. Очень важно усвоить то, что на целых 20 подобных разделов поделен Псалтирь. Кафизма 17 является самой маленькой. Она состоит только из одного 118-го псалма, именуемого «Непорочны».

В свою очередь он разделен на три части.

А вот самая большая кафизма – восемнадцатая. Она включается в себя 15 псалмов: с 119-го по 133-й. Читают Псалтирь по кафизмам, где каждая ее часть называется статией (с греческого «глава», «подраздел») или славой. В свою очередь, она может состоять из одного или нескольких псалмов.

Чтение кафизм

На службе чтец произносит первую часть славословия: «Слава, и ныне. Аминь». Певцы – вторую. И третью часть опять заканчивает чтец: «Слава, и ныне. Аминь». Это делается для того, чтобы связать кафизму с воззванием молитвы. Получается, что чтец и хор во время богослужения наперерыв славят Бога. В таблице обозначены кафизмы (где К-кафизма, П-псалмы).

КафизмаПервая славаВторая славаТретья слава
К. IП. 1-3П. 4-6П. 7-8
К. IIП. 9-10П. 11-13П. 14-16
К. IIIП. 17П. 18-20П. 21-23
К. IVП. 24-26П. 27-29П. 30-31
К. VП. 32-33П. 34-35П. 36
К. VIП. 37-39П. 40-42П. 43-45
К. VIIП. 46-48П. 49-50П. 51-54
К. VIIIП. 55-57П. 58- 60П. 61-63
К. IXП. 64-66П. 67П. 68-69
К. XП. 70-71П. 72-73П. 74-76
К. XIП. 77П. 78-80П. 81-84
К. XIIП. 85-87П. 88П. 89-90
К. XIIIП. 91-93П. 94-96П. 97-100
К. XIVП. 101-102П. 103П. 104
К. XVП. 105П. 106П. 107-108
К. XVIП. 109-111П. 112-114П. 115-117
К. XVIIП. 118: 1-72 – подпунктыП. 118: 73-131П. 118: 132-176
К. XVIIIП. 119-123П. 124-128П. 129-133
К. XIXП. 134-136П. 137-139П. 140 – 142
К. XXП. 143 – 144П. 145-147П. 148-150

Тут необходимо также знать, что кафизма 20 включает примыкающий к ней псалом 151. Он содержится в греческой и славянской Библии, но в церковном богослужении его не используют. Поэтому в таблице его нет.

Автор этого псалма неизвестен. Скорее всего, его написал какой-нибудь благочестивый левит. Обнаружили его только в XX веке в древних манускриптах, найденных в пещерах Кумрана в свитках Мертвого моря.

Богослужение и кафизмы

В продолжение темы под названием «Кафизма – что это такое?» надо отметить, что церковным Уставом определен порядок чтений. За неделю богослужений Псалтирь прочитывается полностью. А в Великий пост – дважды за неделю. Рядовая – кафизма, положенная в этот день по Уставу. В таблице можно ознакомиться с их распределением в обычные периоды.

ДеньВечерняУтреня
ВоскресениеК. 1К. 2, 3, (+17)
ПонедельникК. 4, 5
ВторникК. 6К. 7, 8
СредаК. 9К. 10, 11
ЧетвергК. 12К. 13,14
ПятницаК. 15К. 19, 20
СубботаК. 18К. 16, 17

В неделю кафизмы читаются в следующем порядке: одна на вечерней службе и две на утреней. Однако важно знать то, что неделя начинается с воскресения. Значит, первая кафизма читается вечером в субботу. Её называют воскресной вечерней.

Если в этот день выпал праздник и накануне было Всенощное бдение (торжественноеобщественное богослужение), то чтение отменяется. Устав допускает накануне каждого воскресения совершать бдения.

Поэтому вечером в воскресенье кафизмы не бывает.

Отдельные моменты

Что касается 17-й кафизмы, она вместе с 16-й читается в субботу, а не в пятницу. Так как в будние дни ее декламируют на полунощнице (одна из служб суточного церковного богослужения).

Если праздник имеет полиелей (часть утренней, где читаются 135-136 псалмы), то уже рядовая кафизма на вечерне не читается. Вместо этого декламируется слава первой из них. И она же произносится и на воскресной вечерне тоже.

Когда идут Великие праздники Господнии на вечерне кафизмы не бывает. Но это не касается вечера субботы. В это время произносится 1-я кафизма. исключением также является и вечер воскресенья. Тогда прочитывается 1-я статия кафизмы.

На утрени их декламируют даже в великие праздники. Однако это правило не распространяется на Пасхальную седьмицу (первые семь дней Пасхи), у которой существует особый богослужебный Устав.

Расписание

В Великий пост много времени уделяется чтению кафизм. Они декламируются таким образом, чтобы Псалтырь за неделю прочитывался два раза. В это время кафизмы есть на вечерне, а также на утрени и часах после отдельных псалмопений. Во все седмицы Великого поста (кроме пятой) они читаются по расписанию.

ДеньВечерняУтреняЧас первыйЧас третийЧас шестойЧас девятый
ВоскресеньеК. 2, 3, (+17)
ПонедельникК. 18К. 4, 5, 6К. 7К. 8К. 9
ВторникК. 18К. 10, 11, 12К. 13К. 14К. 15К. 16
СредаК. 18К. 19, 20, 1К. 2К. 3К. 4К. 5
ЧетвергК. 18К. 6, 7, 8К. 9К. 10К. 11К. 12
ПятницаК. 18К. 13, 14, 15К. 19К 20
СубботаК. 1К. 16, 17

А вот в четверги Великого поста на пятой седмице служится канон Андрея Критского. А на утрени прочитывается всего одна кафизма. Псалтырь на Страстной седьмице декламируется с понедельника по среду. И всего только один раз. После этого кафизм нет. Только потом на утрени Великой Субботы произносится псалом «Непрочны» с похвалами. В Светлую седьмицу тоже кафизмы нет.

Но совсем иной тип псалмопения – шестопсалмие, когда читаются шесть псалмов: 3, 37, 62, 87, 102 и 142. Христиане в этом случае молятся, как бы беседуя с невидимым Богом. В это время нельзя ходить и сидеть. В заключении темы «Кафизма – что это такое?» стоит отметить еще несколько важных моментов.

Правила чтения псалмов

Кафизмы – особый род песнопений, отличных от других, например, предначинательных псалмов. Последние читаются более спокойно и мене торжественно. Дома псалмы декламируются при горящей лампадке.

Их произносят, соблюдая правильные ударения, вслух или вполголоса, чтобы не только ум, но и слух внимали молитвенным словам.

Это можно делать сидя, но при начинательных и заключительных молитвах и славах необходимо вставать.

Псалмы читаются без выражения, монотонно, немного нараспев, без театральной выразительности. Если слова непонятны, не стоит смущаться. Есть утверждение относительно Псалтири: «Ты можешь не понимать, но бесы все понимают». По мере духовного развития будет раскрываться и весь божественный смысл прочитанного.

Заключение

И вот напоследок хочется ответить еще на один волнующий многих вопрос: когда читается кафизма 15? Некоторые суеверные или связанные с магией люди утверждают, что ее нужно декламировать только тогда, когда есть покойник в доме. В других случаях это принесет много бед и несчастий. Но православные священники утверждают, что можно без ограничений читать абсолютно все кафизмы.

Источник

Источник: //religiya.temaretik.com/1337711376536700970/kafizma-chto-eto-takoe/

Псалтирь Божией Матери (святителя Димитрия Ростовского)

Кафизма 20 и окончание псалтири

Придите, поклонимся Царице нашей Богородице.

Приидите, поклонимся Деве Марии, Царице нашей Богородице.

Приидите, поклонимся и припадем к самой Госпоже Деве Марии, Царице нашей Богородице.

Кафизма 19ОглавлениеОкончание

Псалом 143

Благословенна еси, Госпоже, яко научаеши нас, рабов Твоих, на брань противу мира, плоти и диавола: противу мира, еже бы отвращати очи от прелестей его, не привязывати сердце к суетам его; противу плоти, еже бы содержати себе в целомудрии и не касатися заповеданных вещей; противу диавола, еже бы разумевати искушения его и соблазны и действию их всевозможно противитися. О, всемощная Владычице! молим Тя и молити не престанем, блесни молнию силы Твоея и разжени их, посли стрелы скораго защищения Твоего и порази их, прослави от высоты святыя славы Твоея в сей брани крепкую десницу Твою, да, воспевая, воспоем мы, раби Твои, избавльшеся от злых, силу, славу и хвалу Твою; веси, Владычице, колико мы грехопоползновенны есмы и многопотребна нам помощь Твоя; воспламени в сердцах наших желания небесныя и исполни духом сладости райския.

По 20‑й кафисме тропари, гл. 8

Божественнаго света светильниче златозарный, Пренепорочная Госпоже, душу мою, омрачаемую мглою страстей, безстрастия светлостию озари, молюся, и окаянное сердце мое омый слезами покаяния: Тя бо имам надежду раб Твой.

Слава: Горесть тамошних мук и жестокость мучителей, тму несветимую и всегдашнюю, негреющий и леденящий тартар, ядоносный и неусыпающий червь, страшный скрежет зубов, пламень геенский и нестерпимое жжение, ужасный вопль и рыдание, разлучение от праведных и наследия их лишение помышляющи, содрогнися душе моя, и стенаньми и плачем Матерь Судии умоли, зовущи: Богородице, испроси ми прощение злых, к покрову Твоему с верою притекающему.

И ныне: Райскими добротами наслаждатися и в небесных чертогах обитати, Владычице, подаждь ми, Бога божественный чертоже, улучити же блаженный невестник сподоби и причащатися тамо славы Христовы и насыщатися сладчайших лучей и сияния неизреченныя красоты Его, яко да радуяся пою вечно со Ангелы Отца, и Сына, и Святаго Духа, Троицу нераздельную, из несущих премудре вся осуществовавшую, и Тебе присно славлю, Богопрославленная.

Молитва

Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего: уныние, забвение, неразумие, нерадение и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищь есмь и окаянен. И избави мя от многих и лютых воспоминаний и предприятий, и от всех действ злых свободи мя, яко благословенна еси от всех родов, и славится пречестное имя Твое во веки. Аминь.

Источник: //xn----7sbahbba0chrecjllhdbcuymu3s.xn--p1ai/02_na_kajdii_den/2/psb_20.html

Поделиться:
Нет комментариев

    Добавить комментарий

    Ваш e-mail не будет опубликован. Все поля обязательны для заполнения.