Канон божией матери

Икона Божией Матери

Канон божией матери

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

Божиею благодатию озари мя, Богоблагодатная, благоговейно пети пред святою иконою Твоею Тебе, необориму Заступницу и державу неразрушиму стада Твоего.

Тя, Всенепорочная, имамы предстательство, Отраду же и Утешение. Сего ради, славяще благость Твою, молимтися: помилуй нас.

Хранительница сущи Горы, нашедшим разбойником на обитель Ватопедскую не предала еси, Госпоже, рабов Твоих в руки вражия.

Кто подобен Тебе, Дево, славно творящая чудеса? Наставив бо иноки правдою Сына Твоего, еже боятися Его, избавила и утешила еси их крепостию Твоею.

Врачевско есть еже резати и жещи, здравия виновное, но Ты нас, Сыне Божий, мягкими лечбами щедрот Твоих уврачуй, Матере Твоея мольбами.

Услыши, Благая, мольбы христоименитых людей, призри на озлобление утесняемых, виждь слезы сущих в скорбех и умилосердитися потщися на рабы Твоя.

Песнь 3

Ирмос: Ты еси утверждение притекающих к Тебе, Господи, Ты еси Свет омраченных, и поет Тя дух мой.

Под кров Твой притекаем, людие Твои, Заступница буди нам, Владычице, подающи отраду и утешение поющим Тя.

Возвеселишася ватопедцы о спасении Твоем, Дево, немощствующих бо препоясала еси силою на прогнание разбойников.

Не престай, Всемилостивая Госпоже, спасати рабы Твоя от нечаемых напастей, да благодарственно славим Тя.

Моли, Богородительнице, еже избавитися нам всякаго гнева и прещения Божия, Тебе почитающим.

Ходатаица благоприятная и сильная к Богу, прегрешений оставление испроси нам у Него, Богоневесто.

Смертоносных недугов душевных и телесных изми ны, Владычице, вечнующую Жизнь миру рождшая.

Седален

Видимыми и невидимыми враги окружаемии, к Тебе, Дево, прибегающе, зовем: не удали помощь Твою от нас, якоже от иноков ватопедских не удалила еси, но державною силою Твоею побори борющия ны, мирное и Богоугодное житие нам устрояющи.

Песнь 4

Ирмос: Услышах, Господи, смотрения Твоего таинство, разумех дела Твоя и прославих Твое Божество.

Убоися сердце игумена в молитве устен его от гласа Твоего, Богомати, и прещения Сына Твоего, и смятеся крепость его, возвещену бывшу нападению от разбойников.

Внегда смутитися Ватопеду во гневе Твоем, Господи, милость Твою помянул еси предстательством Приснодевы, от Неяже явился еси на спасение людей Твоих.

Не предаждь в руки врагов наследие Твое, Чистая, да некогда рекут: где есть Богородительница, на Нюже уповаша? но не вредно и ненаветно соблюди стадо Твое.

Святому образу Твоему припадающе, молим Тя: разори советы хотящих нам злая и живот наш направи творити в мире Божественную волю Сына Твоего.

Во искушениих буди нам, Владычице, спасительное прибежище, в болезнех врачевание, во обуревании тихое пристанище и в скорбех Отрада и Утешение.

Песнь 5

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма, окаяннаго? Но обрати мя и к свету заповедей Твоих пути моя направи, молюся.

Стену тверду и столп непоколебим Тя имать Гора в нашествиих варварских: студа бо исполняеши вражия лица и возвращатися твориши им вспять тщетным и бездельным, Владычице.

Матернее промышление о сущих в Горе имущей Ти, страха ради Сына Твоего, Дево, поболе Ватопед, уведев о разбойницех, и роди дух спасения предстательством Твоим, Преблагословенная.

Яко же настоятеля Ватопедскаго, по утрени бдевша и молившася, наставила еси, Благая, како спастися от напасти, тако и нам подаждь тщание от нощи утреневати к Богу и ко спасению настави ны, избавляющи от всех бед.

Яко же запретила еси, Госпоже, отверзати врата готовой сущей погибели от врагов, тако положи в нас благодатную дверь ограждения, да не обрящется входа всезлобным губителем и их плевелом.

Яко же повелела еси, Владычице, возшедше на стены, разгнати разбойники, тако укрепи быти нам на четверостении мужества и правды, мудрости и целомудрия, да отражаем борющия ны.

Яко же умилостивила еси, Дево, Сына Твоего, прогневавшася на сущия в Ватопеде, тако умилостивляй Его о нас, во многия грехи впадающих, много бо может моление Матернее ко благосердию Владыки.

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Возвещающе Ти печали наша, молимтися, Мати Божия: обвесели благодатию Твоею скорбящих сердца, всех Радосте, и от тли возведи ны.

Не стяжахом на земли иного утешения и крепкаго заступления, разве Тебе, Всеблагая, покрый убо от всякаго зла любовию воспевающих Тя.

Благостыню и милость приемлем от Сына Твоего, Дево, молитвами Твоими: от молвы бо храниши ны, смущения, ловитвы и всякаго коварства вражия, Всепетая.

Миру Спасительнице, необоримою силою Твоею не престай соблюдати стадо Твое, зовущее: Отрада и Утешение наше Ты еси, Благословенная.

Всех благих вина, смертных оживление, погибших взыскание, избави, Госпоже, рабы Твоя от напрасныя смерти и от тли греховныя возведи ны.

Кондак, глас 8

Взбранной Воеводе победительная, яко избавльшеся от злых, благодарственная восписуем Ти, раби Твои, Богородице, но яко имущая державу непобедимую, от всяких нас бед свободи, да зовем Ти: Радуйся, Невесто Неневестная.

Икос

Ангели Тя, Матерь Бога нашего, песньми славословят, и мы земнии воспеваем радостно Тебе вопиюще: радуйся, Светодавца селение, Еюже лучи спасения мирови возсияша; радуйся, Обрадованная, Еюже исполняемся Божественнаго веселия.

Радуйся, двере Востока, от врат смертоносных греха нас отводящая; радуйся, светильниче пресветлый, просвещаяй омраченных. Радуйся, бездно Божия к нам человеколюбия; радуйся, цены всякия превысший дар, нам от Бога дарованный.

Радуйся, яко имаши велие к Нему дерзновение; радуйся, страже Афона и тамо обитающих Хранительнице. Радуйся, всекрепкая стено, еюже сохраняемся необоримы враги христианскими; радуйся, язво невидимых врагов и от них уязвляемых врачевание.

Радуйся, безсильных сило и помоще безпомощных; радуйся, Отрадо и Утешение скорбящих. Радуйся, Невесто Неневестная.

Песнь 7

Ирмос: От Иудеи дошедше, отроцы в Вавилоне иногда верою Троическою пламень пещный попраша, поюще: отцев Боже, благословен еси.

Воплощся от утробы Твоея Господь, господствуяй тварию, и Тебе, Дево, Госпожу показа видимым же всем и невидимым, яко Матерь Свою прославляя Тя.

Согрешихом, Господи, но не отступихом от Тебе и иного не вемы, разве Тебе, не предаждь нас до конца Матере Твоея мольбами, отцев Боже благословенный.

Гора Божия осененная, Всечистая, покрый сущия в Горе сению Твоих молитв и от сети ловящих избави поющия: отец наших Боже, благословен еси.

Непобедимая еси крепость, Госпоже, и несокрушимое ограждение с верою призывающих Тя: разрушаеши бо советы вооружающихся на славящия Тебе.

Унывающим Отрадо, печальным Утешение, заблуждающим Наставнице, соблюди нас, Дево, от всякаго зла, чтущих святый образ Твой.

Песнь 8

Ирмос: Царя Небеснаго, Егоже поют вои Ангельстии, хвалите и превозносите во вся веки.

Преблагословенная Мати Всещедраго Бога, ущедри ны, недостойныя, дарами милосердия Твоего, да превозносим Тя во веки.

Крепость и держава буди рабом Твоим, Всецарице, сила, оружие и меч, враги спасения секущий, да славим Тя во веки.

Сияющая паче Ангел святынею, храни нас, Всенепорочная, от греховных деяний, глаголаний и помышлений, да благословляем Тя во веки.

Освяти, Всесвятая, благоговейно лобызающих святую икону Твою и Твоим Матерним дерзновением милостива нам твори Сына Твоего , да поем Его во веки.

Отрадо и Утешение молящихся Тебе, временных и вечных лютых избави ны, да хвалим Тя и Сына Твоего превозносим во вся веки.

Путь и Живот, Дево, рождшая, стопы наша направи по словеси Божию, да, живот вечный наследовавше, поем Тя, Сына Твоего превозносяще во вся веки.

Песнь 9

Ирмос: Проявленное на горе законоположнику во огни и купине Рождество Приснодевы в наше, верных, спасение песньми немолчными величаем.

Веселися, Ватопеде, неусыпная бо Афона Назирательница яже на Тя коварство вражие манием Своим разруши и изгнанны сотвори разрушение Тебе уготовавшия.

О, великаго дерзновения Твоего, Дево, к Богу и благоутробия к рабом Твоим! Возвещающи бо о вразех, уклонила еси лице Свое от руки Сына Твоего, якоже до ныне зришися на иконе Твоей.

Поток светлости, отрады и утешения неистощимый Ты еси, Богорадованная Мати Света, тьму убо страстей прожени от нас, обстоящих светлое подобие лица Твоего, и несветимаго огня избави.

Спасение буди присное, Госпоже, от враг наших и из руки всех, ненавидящих нас, и направи ноги наша на путь мирен милосердия ради милости Сына Твоего и Бога нашего, Преблагословенная.

Владычествующая всеми яко Всецаря Матерь, стране нашей подаждь благоденствие, мир, спасение и на сопостаты победы и одоление.

Молебное пение от души принесох со страхом Тебе, Дево, рождшей Христа Бога, Егоже молящи, благоприятна сотвори моления наша, да Тя песньми немолчными величаем.

Светилен

Озаряеми благодатным светом от иконы Твоея, Владычице, благоговейно зовем Ти: радуйся, светозарная луно, в нощи греха сущих путеводящая к свету покаяния; радуйся, Мати Избавителя, избавляющая нас от напастей нечаемых. Радуйся, Отрадо и Утешение душ наших.

Источник: //akafist.ru/bogorodica/otrado-uteshenie/kanon

Канон молебный ко Пресвятой Богородице

Канон божией матери

Канон молебный ко Пресвятой Богородице принято читать практически каждый день. Канон обычно состоит из девяти частей. В VII веке канон молебный ко Пресвятой Богородице был просто частью богослужения. Сейчас же этот вид песнопений читается и в келейной молитве.

В скорби к Пресвятой Богородице обращаются за утешением, а в радости – с благодарностью. Канон молебный ко Пресвятой Богородице – важная часть православной церковной гимнографии. Среди самых известных авторов канонов: Косма Маюмский и Иоанн Дамаскин.

Ниже вы найдете текст канона молебного ко Пресвятой Богородице, который можно не только услышать на богослужении, но и читать дома.

Поемый во всякой скорби душевной и обстоянии
Tворение Феостирикта монаха

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибaем от множества прегрешений, не отврати Твоя рабы тщи, Тя бо и едину надежду имамы.

 (Дважды)
Слава, и ныне: Не умолчим никогда, Богородице, силы Твоя глаголати, недостойнии: aще бо Ты не бы предстояла молящи, кто бы нас избaвил от толиких бед, кто же бы сохранил до ныне свободны? Не отступим, Владычице, от Тебе: Твоя бо рабы спасaеши присно от всяких лютых.

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипaче омый мя от беззакония моего, и от греха моего очисти мя; яко беззаконие мое аз знaю, и грех мой предо мною есть выну. Тебе единому согреших и лукaвое пред Тобою сотворих; яко да оправдишися во словесех Твоих, и победиши внегдa судити Ти.

Се бо, в беззакониих зачaт есмь, и во гресех роди мя мaти моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и пaче снега убелюся. Слуху моему дaси рaдость и веселие; возрaдуются кости смиренныя. Отврати лице Твое от грех моих и вся беззакония моя очисти.

Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святaго не отыми от мене. Воздaждь ми рaдость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избaви мя от кровей, Боже, Боже спасения моего; возрaдуется язык мой правде Твоей.

Господи, устне мои отверзеши, и устa моя возвестят хвалу Твою. Яко aще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския.

Тогда благоволиши жертву правды, возношение и всесожигaемая; тогда возложaт на олтaрь Твой тельцы.

Канон ко Пресвятой Богородице, глас 8-й

Песнь 1Воду прошед яко сушу, и египетскаго зла избежaв, изрaильтянин вопияше: избaвителю и Богу нашему поим.

Припев: Пресвятая Богородице, спаси нас.

Многими содержимь напaстьми, к Тебе прибегаю, спасения иский: о, Мaти Слова и Дево, от тяжких и лютых мя спаси.Страстей мя смущaют прилози, многаго уныния исполнити мою душу; умири, Отроковице, тишиною Сына и Бога Твоего, Всенепорочная.

Слава: Спaса рождшую Тя и Бога, молю, Дево, избaвитися ми лютых: к Тебе бо ныне прибегaя, простирaю и душу и помышление.

И ныне: Недугующа телом и душею, посещения Божественнаго и промышления от Тебе сподоби, едина Богомaти, яко благая, Благaго же Родительница.

Песнь 3Небеснаго круга Верхотворче, Господи, и Церкве Зиждителю, Ты мене утверди в любви Твоей, желaний крaю, верных утверждение, едине Человеколюбче.

Предстaтельство и покров жизни моея полагaю Тя, Богородительнице Дево: Ты мя окорми ко пристaнищу Твоему, благих виновна; верных утверждение, едина Всепетая.Молю, Дево, душевное смущение и печали моея бурю разорити: Ты бо, Богоневестная, начальника тишины Христа родилa еси, едина Пречистая.

Слава: Благодетеля рождши добрых виновнаго, благодеяния богатство всем источи, вся бо можеши, яко сильнаго в крепости Христа рождши, Богоблаженная.И ныне: Лютыми недуги и болезненными страстьми истязaему, Дево, Ты ми помози: исцелений бо неоскудное Тя знаю сокровище, Пренепорочная, неиждивaемое.

Спаси от бед рабы Твоя, Богородице, яко вси по Бозе к Тебе прибегaем, яко нерушимей стене и предстaтельству.

Призри благосердием, всепетая Богородице, на мое лютое телесе озлобление, и исцели души моея болезнь.

Тропарь, глас 2-й
Моление теплое и стенa необоримая, милости источниче, мирови прибежище, прилежно вопием Ти: Богородице Владычице, предвари, и от бед избaви нас, едина вскоре предстaтельствующая.

Песнь 4Услышах, Господи, смотрения Твоего тaинство, разумех дела Твоя и прослaвих Твое Божество.Страстей моих смущение, кормчию рождшая Господа, и бурю утиши моих прегрешений, Богоневестная.Милосердия Твоего бездну призывaющу подaждь ми, яже Благосердаго рождшая и Спaса всех поющих Тя.

Наслаждaющеся, Пречистая, Твоих даровaний, благодaрственное воспевaем пение, ведуще Тя Богомaтерь.Слава: На одре болезни моея и немощи низлежaщу ми, яко Благолюбива, помози, Богородице, едина Приснодево.

И ныне: Надежду и утверждение и спасения стену недвижиму имуще Тя, Всепетая, неудобства всякаго избавляемся.

Песнь 5Просвети нас повелении Твоими, Господи, и мышцею Твоею высокою Твой мир подaждь нам, Человеколюбче.Исполни, Чистая, веселия сердце мое, Твою нетленную дающи радость, веселия рождшая виновнаго.

Избaви нас от бед, Богородице чистая, вечное рождши избавление, и мир, всяк ум преимущий.Слава: Разреши мглу прегрешений моих, Богоневесто, просвещением Твоея светлости, Свет рождшая Божественный и превечный.

И ныне: Исцели, Чистая, души моея неможение, посещения Твоего сподобльшая, и здрaвие молитвами Твоими подaждь ми.

Песнь 6Молитву пролию ко Господу, и Тому возвещу печали моя, яко зол душа моя исполнися, и живот мой аду приближися, и молюся яко Иона: от тли, Боже, возведи мя.

Смерти и тли яко спасл есть, Сам Ся издaв смерти, тлением и смертию мое естество, ято бывшее, Дево, моли Господа и Сына Твоего, врагов злодействия мя избaвити.

Предстaтельницу Тя живота вем и хранительницу тверду, Дево, и напaстей решaщу молвы, и налоги бесов отгоняющу; и молюся всегда, от тли страстей моих избaвити мя.

Слава: Яко стену прибежища стяжaхом, и душ всесовершенное спасение, и прострaнство в скорбех, Отроковице, и просвещением Твоим присно рaдуемся: о, Владычице, и ныне нас от страстей и бед спаси.

И ныне: На одре ныне немощствуяй лежу, и несть исцеления плоти моей: но, Бога и Спaса миру и Избaвителя недугов рождшая, Тебе молюся, Благой: от тли недуг возстaви мя.

Кондaк, глас 6-й
Предстaтельство христиан непостыдное, ходaтайство ко Творцу непреложное, не презри грешных молений глaсы, но предвари, яко Благaя, на помощь нас, верно зовущих Ти; ускори на молитву, и потщися на умоление, предстaтельствующи присно, Богородице, чтущих Тя.

Другой кондaк, глас тот же

Не имамы иныя помощи, не имамы иныя надежды, разве Тебе, Пречистая Дево. Ты нам помози, на Тебе надеемся, и Тобою хвaлимся, Твои бо есмы рабы, да не постыдимся.

Стихира, глас тот же
Не ввери мя человеческому предстaтельству, Пресвятая Владычице, но приими моление раба Твоего: скорбь бо обдержит мя, терпети не могу демонскаго стреляния, покрова не имам, ниже где прибегну, окаянный, всегда побеждaемь, и утешения не имам, разве Тебе, Владычице мира, уповaние и предстaтельство верных, не презри моление мое, полезно сотвори.

Песнь 7От Иудеи дошедше отроцы, в Вавилоне иногдa, верою Троическою плaмень пещный попрaша, поюще: отцев Боже, благословен еси.Наше спасение якоже восхотел еси, Спaсе, устроити, во утробу Девыя вселился еси, Юже миру предстaтельницу показал еси: отец наших Боже, благословен еси.

Волителя милости, Егоже родилa еси, Мaти чистая, умоли избaвитися от прегрешений и душевных скверн верою зовущим: отец наших Боже, благословен еси.Слава: Сокровище спасения и Источник нетления, Тя рождшую, и столп утверждения, и дверь покаяния, зовущим показал еси: отец наших Боже, благословен еси.

И ныне: Телесныя слабости и душевныя недуги, Богородительнице, любовию приступaющих к крову Твоему, Дево, исцелити сподоби, Спaса Христа нам рождшая.

Песнь 8Царя Небеснаго, Егоже поют вои aнгельстии, хвалите и превозносите во вся веки.Помощи яже от Тебе требующия не презри, Дево, поющия и превозносящия Тя во веки.

Неможение души моея исцеляеши и телесныя болезни, Дево, да Тя прослaвлю, Чистая, во веки.Слава: Исцелений богатство изливaеши верно поющим Тя, Дево, и превозносящим неизреченное Твое рождество.

И ныне: Напaстей Ты прилоги отгоняеши и страстей находы, Дево: темже Тя поем во вся веки.

Песнь 9Воистинну Богородицу Тя исповедуем, спасеннии Тобою, Дево чистая, с безплотными лики Тя величaюще.Тока слез моих не отвратися, Яже от всякаго лица всяку слезу отъемшаго, Дево, Христа рождшая.Радости мое сердце исполни, Дево, Яже радости приемшая исполнение, греховную печаль потребляющи.

Пристaнище и предстaтельство к Тебе прибегaющих буди, Дево, и стена нерушимая, прибежище же и покров и веселие.Слава: Света Твоего зарями просвети, Дево, мрак неведения отгоняющи, благоверно Богородицу Тя исповедающих.

И ныне: На месте озлобления немощи смирившагося, Дево, исцели, из нездрaвия во здрaвие претворяющи.

Стихиры, глас 2-йВысшую небес и чистшую светлостей солнечных, избaвльшую нас от клятвы, Владычицу мира песньми почтим.От многих моих грехов немощствует тело, немощствует и душа моя; к Тебе прибегaю, Благодaтней, надеждо ненадежных, Ты ми помози.

Владычице и Мaти Избaвителя, приими моление недостойных раб Твоих, да ходaтайствуеши к Рождшемуся от Тебе; о, Владычице мира, буди Ходaтаица!Поем прилежно Тебе песнь ныне, всепетой Богородице, рaдостно: со Предтечею и всеми святыми моли, Богородице, еже ущедрити ны.

Вся aнгелов воинства, Предтече Господень, апостолов двоенадесятице, святии вси с Богородицею, сотворите молитву, во еже спастися нам.

Молитвы ко Пресвятой Богородице

Царице моя преблагaя, надеждо моя Богородице, приятелище сирых и странных предстaтельнице, скорбящих рaдосте, обидимых покровительнице! Зриши мою беду, зриши мою скорбь, помози ми яко немощну, окорми мя яко стрaнна.

Обиду мою веси, разреши ту, яко волиши: яко не имам иныя помощи разве Тебе, ни иныя предстaтельницы, ни благия утешительницы, токмо Тебе, о Богомaти, яко да сохраниши мя и покрыеши во веки веков. Аминь.

К кому возопию, Владычице? К кому прибегну в горести моей, aще не к Тебе, Царице Небесная? Кто плач мой и воздыхaние мое приимет, aще не Ты, Пренепорочная, надеждо христиан и прибежище нам, грешным? Кто пaче Тебе в напaстех защитит? Услыши убо стенaние мое, и приклони ухо Твое ко мне, Владычице Мaти Бога моего, и не презри мене, требующаго Твоея помощи, и не отрини мене, грешнаго.

Вразуми и научи мя, Царице Небесная; не отступи от мене, раба Твоего, Владычице, за роптaние мое, но буди мне Мaти и заступница. Вручaю себе милостивому покрову Твоему: приведи мя, грешнаго, к тихой и безмятежной жизни, да плaчуся о гресех моих.

К кому бо прибегну повинный аз, aще не к Тебе, уповaнию и прибежищу грешных, надеждою на неизреченную милость Твою и щедроты Твоя окриляемь? О, Владычице Царице Небесная! Ты мне уповaние и прибежище, покров и заступление и помощь.

Царице моя преблагaя и скорая заступнице! Покрый Твоим ходaтайством моя прегрешения, защити мене от враг видимых и невидимых; умягчи сердца злых человек, возстающих на мя. О, Мaти Господа моего Творцa! Ты еси корень девства и неувядaемый цвет чистоты. О, Богородительнице! Ты подaждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление; и Твоим пречудным заступлением да избaвлюся от всякия беды и напaсти, о пренепорочная и преслaвная Божия Мaти Марие. Темже со уповaнием глаголю и вопию: радуйся, благодaтная, радуйся, обрaдованная; радуйся, преблагословенная, Господь с Тобою.

Источник: //www.pravmir.ru/kanon-molebnyj-ko-presvyatoj-bogorodice/

Каноны покаянный и молебный ко Пресвятой Богородице

Канон божией матери

Согласно библейскому учению, скорбь и уныние — это результат греховной жизни человека. Впадая в них, душа отпадает от Бога, от источника радости и любви, мира и блага.

Но Господь обещал дать человеку по его вере, поэтому вопреки различным ситуациям и явлениям, которые могут происходить в нашей жизни, даже по грехам своим попав под один из смертных грехов — уныние, необходимо стремиться выйти из него как можно скорее, пока эта болезнь не укоренилась и не разрослась в душе.

  • История
  • Чтение канона в наши дни
  • О языке канона
  • Основные виды молебных песнопений Пресвятой Богородице
  • Канон молебный ко Пресвятой Богородице
  • Канон покаянный ко Пресвятой Богородице
  • Канон Богородице перед причастием
  • Значение канонов ко Пресвятой Богородице

Одним из способов, который позволяет избегнуть тягостного положения, стало чтение специального правила, которое помогает победить это опасное духовное заболевание. Правило называется Покаянный канон.

Он может читаться к Ангелу-Хранителю, который приставлен к человеку и способен по просьбе своего подопечного многое для него сделать, ко Господу и, конечно, к нашей главной Заступнице — Царице Небесной.

История

В VIII веке от Рождества Христова молебный канон Божией Матери был создан святым человеком, духовным писателем по имени Феостирикт (или Феоктист). Это был известный в свое время почитатель священных икон и автор многих духовных текстов.

Тогда в Греции правил император Константин Копроним. Он был жестоким царем, а период его правления является временем появления иконоборчества вдобавок к гонениям на Церковь.

Время правления императора Константина Копронима иногда даже сравнивают с периодом властвования языческого правителя Диоклетиана, который бесчеловечно издевался над христианами.

Равным образом и данный правитель подвергал монахов за их верность Христу, за то, что те оберегали иконы, ужасающим пыткам.

К несчастью, и Святой Феостирикт не стал исключением: ему были обожжены горячей смолой нос и руки. Остальных побивали камнями. Впрочем, этот святой старец, создатель священных покаянных Канонов ко Господу, Богородице и святым, тем не менее стойко выдержал выпавшие на его долю испытания и в итоге прожил плодотворную долгую жизнь, преставившись в глубоком старчестве.

В древних источниках содержатся сведения, что святой Феостирикт нередко страдал от приступов черного уныния. Оно было связано с постоянными гонениями со стороны императора державы на христиан того времени. Он глубоко переживал за судьбы Церкви Христовой, Его людей, поскольку на них постоянно обрушивались жестокие нападки.

Потому, будучи глубоко верующим человеком и к тому же имея дар духовного писательства, он составил особые гимнографические песни-поэмы, которые получили название Священных Покаянных Канонов ко Христу, Божией Матери, Ангелу-Хранителю. Эти песнопения поддерживали монаха и позволяли побеждать это тягостное состояния и снова обретать мир в своей душе и гармонию в отношениях со Всевышним.

Чтение канона в наши дни

В наши дни верующие, которые читают в особых ситуациях эти каноны святого Феостирикта, равным образом испытывают позитивный результат не только в отношении своего внутреннего состояния, но также отмечают положительные изменения и во внешней, семейной, личной жизни.

Каноны распеваются совместно с другими песнопениями или по отдельности. Главное, чтобы молитва шла от сердца, именно это в итоге сыграет решающую роль.

О языке канона

Изначально, поскольку канон написан греком, он и был создан на родном языке автора — греческом. После нашими предками он был переведен на тогдашний славянский.

На этом языке до сих пор в наших современных храмах на нем напечатаны книги, по которым церковнослужители поют молитвы по всем канонам.

Для удобства пользования и понимания выпущены новые книги, в которых сохранены все слова молитв, но напечатаны современными буквами.

Это намного облегчило понимание. Собственно, именно этот вариант мы видим практически во всех молитвословах. Поначалу тяжело понимать славянские словесные конструкции, манеру выражения мысли, длинные сложные предложения и проч.

Но для христиан, для которых русский язык стал вторым родным, но не был таковым изначально, существуют переводы, где все слова и выражения молитв написаны так, будто их писал современный человек с использованием полностью современной лексики.

Такие молитвословы можно купить или услышать, к примеру, на Новом Афоне в Абхазии.

Разумеется, покаянные каноны переведены на все языки мира, чтобы к этому великому наследию возможности исцеления своей души и получения помощи свыше могли приступить и христиане из прочих народностей.

Основные виды молебных песнопений Пресвятой Богородице

Следует отметить, что на сегодняшний момент написано уже довольно значительное количество молебных обращений к Божией Матери, пожалуй, больше, чем кому-либо из святых или даже Господу. Связано это со множеством Ее святых чудотворных икон. Однако в целом все молитвы, как большие, так и малые, разделяют на:

Канон молебный ко Пресвятой Богородице

Больше всего известен молебный канон Божией Матери, который начинается со слов «к Богородице прилежно ныне притецем», текст которого применяется также при пении молебна Божией Матери. Он был написан в XII веке послушником одного из мужских монастырей того времени.

Это молебное песнопение получило свое название в силу исключительно проникновенных песнопевческих стихов, которые способны вызвать у молящегося этими словами каждого христианина состояние, которое евангельски называется «сокрушение сердца», — когда человек не просто признает свое несовершенство, но и начинает скорбеть об этом, что в итоге приводит к тому, что он становится более человечным, добрым, внимательным.

Именно это можно назвать «умягчение злых сердец». Это нужно не для того, чтобы просто сокрушить человека, ослабить его и отнять все его достоинства. А, можно сказать, поменять минус на плюс. Гордость заменить смирением, кротостью и любовью к ближнему — такому же когда-то поврежденному. Зло заменить также любовью и прощением за все причиненные скорби и стать добрее, а значит, сильнее.

Человек добрый и сильный в своем сердце и воле к добру возвращает внутрь себя истинное достоинство своей души. И, что еще важнее, достоинство перед глазами Бога — чтобы тот мог не только по милости давать человеку различные блага, но и по тому, что добрый и любящий человек этого становится просто достоин.

Разумеется, смирение перед Богом (как высшей любовью) позволяет творцу восстановить в нас все поврежденные участки души и дать благодать, которую исправленная душа человеческая будет в состоянии принять в себя. А с возвращением благодати Божией из души человека сами по себе уходят и все зло и посмертные состояния души:

  • уныние,
  • гнев,
  • ярость,
  • маловерие,
  • гордыня,
  • желание всех судить,
  • клевета,
  • лживость,
  • похотливость и многое другое.

В свое время такое благодатное влияние молебствия стало причиной того, что святые отцы включили канон Богородице перед Причастием — каждый верующий должен был прочесть его, чтобы с верным настроем подойти к принятию в себя Тела и Крови Христовой.

Следует отметить, что на первоначальное его предназначение указывает краткое пояснение, которое говорит о том, что это песнопение также стоит начать читать, когда человека одолевает различная душевная скорбь. Правило спасает от нее и от уныния.

Канон покаянный ко Пресвятой Богородице

Помимо молебного песнопения, в молитвослове для мирян и монахов также часто публикуется и канон покаянный ко Пресвятой Владычице нашей.

Христианское православное вероучение говорит о том, что-то, что не в силах простить себе и другим человек, может Бог.

А также во все времена, еще со времени своего земного странствования, Матерь Божия могла просить Своего прекрасного Сына о людях, о событиях — обо всем.

И сейчас, когда Она — Царица Неба и земли и имеет благодать от Бога получать все, что попросит, она не забывает нас. Поэтому к Ее покрову и защите от самих себя, от греха и повреждений души прибегают все те, кто осознал в этом необходимость. Теперь она является Помощницей и Покровительницей всех грешных людей.

Именно по этой причине все христиане (и не только) из века в век взывают к Ней в своих прошениях о помощи от последствий своих греховных действий. Прибегание к канонам к Матери Божией, прошениям о ее помощи в замаливании грехопадений — данное песнопение к Пречистой Деве Марии является наиболее доступным средством в достижении этой цели.

Канон Богородице перед причастием

Перед причастием читают совмещенные каноны:

  • Господу Иисусу Христу,
  • Молебный ко Пресвятой Богородице,
  • Ангелу-Хранителю.

От каждого канона взято по одному тропарю (песне). Между песнями поется припев (их несколько, и они меняются в зависимости от места канона). К Божией Матери запев звучит как «Пресвятая Богородица, спаси нас».

Как вариант, может быть «Пресвятая Богородице», с буквой «е» в окончании.

Это не стоит воспринимать как ошибку, а нужно знать, что сохранен древний вариант произношения, где сохранился звательный падеж, а он имеет окончания -о и -е.

Три канона перед причастием соединяются следующим образом:

  • ирмос 1 песни с соответствующим гласом берется из покаянного канона ко Господу Иисусу;
  • несколько 1 песни тропарей покаянного канона ко Господу;
  • тропари 1 песни молебного канона ко Пресвятой Богородице, ирмос не поется;
  • тропари 1 песни канона ко Ангелу-Хранителю, ирмос также не поется. И так все 9 песней канонов. Важно знать, что вторая песнь каждого из перечисленных канонов опускается. Вторая песнь в канонах начинает читаться в Великий пост, поскольку там вспоминаются страдания Иисуса Христа и всего того, что предшествовало этому событию.
  • После третьей песни читается седален (на этом куске можно сидеть).
  • После шестой песни совмещенного канона читается предлагаемый в молитвослове кондак и икос.
  • По завершении девятой песни читаются полагающиеся молитвы и псалмы.

Это обычная процедура чтения совмещенных канонов. Но, в любом случае, следует полагаться на составителя молитвослова: в них все обычно все соответствует правилам.

Также можно обратиться за подробными разъяснениями к Богослужебным указаниям или же Типикону — полному уставу Церковной жизни и проведения молитвословий и Богослужений.

Значение канонов ко Пресвятой Богородице

Чтение канонов перед Таинствами исповеди и Причастия — это последовательность просьб ко Господу и Матери Его, чтобы даровали возможность исповедаться, здоровье, чтобы дали сил приступить ко Причастию и очистить душу перед собой и Богом, чтобы Ангел-Хранитель был неотступно рядом и не позволял темным силам нападать, влиять и посылать дурные мысли, не допускал к душе духа уныния и проч., избавил от искушений. Канон перед причащением святых Христовых Таин способен:

  • помочь настроить ум, сердце и душу на общение с Отцом Небесным,
  • придать сил и здоровья сходить на исповедь,
  • освободиться от грехов,
  • дать внутренние возможности для борьбы с ними и со злыми духами.

Ни в коем случае не стоит оправдывать свою лень, давать себе поблажки или обвинять кого-то другого в своих грехах. Скорбь и стыд за свои действия должны быть нелицемерными. Здоровье души сообщит силы и плотской составляющей человека.

Постоянное чтение канона способно на многое:

  • вылечить злобу и гневливость.
  • утихомирить желание ругаться и ссориться,
  • придать хорошее настроение,
  • утолить жадность и подарить желание делиться добром с людьми.

Существует множество примеров, когда после молитвы с людьми происходили самые благоприятные события, получалось то, что раньше было недоступно. Молитва — это дверь в жизнь каждого для разного блага.

Господь всегда слышит (даже если не показывает) мольбы грешников, а множество Ангелов, по заверению Христа Иисуса, радуются на небесах и торжествуют, когда кто-то из грешников (а это мы все) приносит Богу покаяние и возносит искренние молитвы.

Чтение канона ко Пресвятой Деве Марии, как и все прочие молитвы, необходимо не спеша, с сердечным вниманием и сокрушением сердца. Имеет большое значение старание осознать значение канона, чтобы через правильный настрой получить благодать Божию.

Источник: //molitva.guru/molitvoslov/kanony-pokayannyj-i-molebnyj-ko-presvyatoj-bogoroditse.html

Канон Пресвятой Богородице в честь иконы Ее Смоленской, именуемою

Канон божией матери
13/05/2010

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы (дважды).

Слава, и ныне: Не умолчим никогда, Богородице, силы Твоя глаголати, недостойнии. Аще бо Ты не бы предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от Тебе, Твоя бо рабы спасаеши присно от всяких лютых.

Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Пресвятая Госпоже Богородице, услыши молитву раб Своих, молящихся Тебе.

Радостно, Чистая, ныне наставшее хваление приношаю, радуяся, и тихим гласом, Одигитрие, вопию Ти: радуйся и исполни мя разума, пети начинающа.

Пресвятая Госпоже Богородице, услыши молитву раб Своих, молящихся Тебе.Христа родившая, радость нам вечную, о, радуйся, Всепетая, православным надежда, Одигитрие, всепетая Девице, радости исполни мя мирови желанныя.

Слава: Ликуют вси человецы и Ангели всегда, согласно вопиюще на небеси и на земли, Одигитрие: радуйся, Девице, радости бо Рождеством Твоим всяческая исполнила еси.

И ныне: Радуйся, Одигитрие, со страхом Ти вопиющих радости сподоби, Мати сущия радости, избавляющи скорбей всяческих, и всех помилуй, к Тебе прибегающих.

Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).

Песнь 3

Ирмос: Твоя песнословцы, Богородице, живый и независтный источниче, лик себе совокупльшия, духовно утверди, в Божественней Твоей славе, венцев славы сподоби.

Пресвятая Госпоже Богородице, услыши молитву раб Своих, молящихся Тебе. Христа, Вышняго Царя, о, радуйся, непоколебимая Чистая и одушевленная палато! Радуйся, Одигитрие, радуйся: Тобою нерушим наш град сохраняется.

Пресвятая Госпоже Богородице, услыши молитву раб Своих, молящихся Тебе.
Вместити Егоже не возможе тварь, во утробу неискусобрачную, Одигитрие Девице, телесно вместила еси, темже Ти радуйся поем, по долгу величающе.

Слава: Радость многопетая мирови, радостно Ти поюще присно, вечнующия, Чистая, радости сподобляемся Твоими матерними молитвами к Рождшемуся из Тебе, Одигитрие.

И ныне: Златую Тя стамну, и свещник, и жезл, и трапезу, Чистая, призываем, Одигитрие, и глас, еже радуйся, Тебе присно привношаем с сими же имены.

Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).

Господи, помилуй (трижды). Слава, и ныне.

Седален, глас 2-й

Моление теплое и стена необоримая, милости источниче, мирови прибежище, прилежно вопием Ти: Богородице Владычице, предвари и от бед избави нас, Едина вскоре предстательствующая.

Песнь 4

Ирмос: Седяй в славе на Престоле Божества во облаце легце, прииде Иисус Пребожественный нетленною дланию и спасе зовущия: слава, Христе, силе Твоей.

Пресвятая Госпоже Богородице, услыши молитву раб Своих, молящихся Тебе.

Радуйся, чудо чудесем, Одигитрие Владычице. Радуйся, всем радосте градовом, и весем непобедимое христианское в бедах хранилище, и предградие, и на враги побеждение.

Пресвятая Госпоже Богородице, услыши молитву раб Своих, молящихся Тебе.

Радуйся, радуйся, людем православным похвало, и христолюбивым воинством покров пребываеши всем, Царице. Радуйся, Одигитрие, прибежище всем нам и утверждение.

Слава: Радуйся, всем скорое в бедах избавление. Радуйся, готовое всем скорбящим утешение. Радуйся, всепетая, радуйся, Одигитрие всеблагословенная, всем немощным целительнице.

И ныне: Радуйся, Еяже величия вся тварь славити убо спешит по достоянию, но не возмогает, Одигитрие, и сего ради зовет Ти: радуйся, Владычице, Боговместимое жилище.

Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).

Песнь 5

Ирмос: Ужасошася всяческая о Божественней славе Твоей: Ты бо, неискусобрачная Дево, имела еси во утробе над всеми Бога и родила еси безлетнаго Сына, всем воспевающим Тя мир подавающая.

Пресвятая Госпоже Богородице, услыши молитву раб Своих, молящихся Тебе.

Благостыни бездно и щедротам еси, радуйся, Одигитрие Девице, радуйся, всем радость творящи верным. О, радуйся, сущим в бедах и скорбящим пребыстрая Заступнице.

Пресвятая Госпоже Богородице, услыши молитву раб Своих, молящихся Тебе.

Радуйся, от исполнения величия чудес Твоих зряще, исполняемся, вси незрящии, слышаще же, вернии. Темже радуйся Тебе присно всюду и вси, Одигитрие, поем.

Слава: Христа Бога нашего, о, радуйся, Одигитрие, жилище и дом неизреченныя и пребожественныя, Дево, славы Его. О, радуйся, палато преукрашенная, радуйся, граде одушевленный, присно царствующий!

И ныне: Радость неоскудную Тя разсмотряюще, яко море, Отроковице, Одигитрие Девице, радующеся вси, радуйся вопием Ти, и поюще, Божественных даров невидимо присно от Тебе ожидающе.

Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).

Песнь 6

Ирмос: Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.

Пресвятая Госпоже Богородице, услыши молитву раб Своих, молящихся Тебе.

Христа, Чистая, приемлющи, глас еже радуйся, Одигитрие Девице, слышаше, Егоже неизреченно рождши, радуйся от всех слышиши всегда.

Пресвятая Госпоже Богородице, услыши молитву раб Своих, молящихся Тебе.

Радости вся исполнила еси, вышния и нижния Ты совокупила еси, Одигитрие, темже радостно и согласно ныне небо и вся земля зовет Ти.

Слава: Вдовам, о, радуйся, всепетая, и всем сирым, Одигитрие, утешение; радуйся, всем источающи нищим богатство неистощимое.

И ныне: Злата всякаго блистаема и утра солнечнаго светлейши, жилище Христово, радуйся, Одигитрие, радуйся, Девице, радуйся, Невесто Неневестная.

Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).

Господи, помилуй (трижды). Слава, и ныне.

                 

Кондак, глас 6-й

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Икос: Простри длани Твоя, имиже всех Владыку яко Младенца прияла еси, за множество благости; не остави нас, всегда надеющихся на Тя, бодренною Твоею молитвою и неисчетною простынею ущедри нас и подаждь душам нашим милосердие Твое, во веки источающи: Тебе бо имамы, грешнии, заступницу от находящих на ны бед и зол.

Но, яко имущи милосердия щедроты, ускори на молитву и потщися на умоление, предстательствующи присно, Богородице, чтущих Тя.

Песнь 7

Ирмос: Не послужиша твари Богомудрии паче Создавшаго, но огненное прещение мужески поправше, радовахуся поюще: препетый отцев Господь и Бог, благословен еси.

Пресвятая Госпоже Богородице, услыши молитву раб Своих, молящихся Тебе.

Радуйся, радуйся, Богородице Одигитрие, всех и всегда наставляющи верных шествовати ко всякому пути спасительному; радуйся, Владычице, Тобою бо присно избавляемся настоящия варварския беды.

Пресвятая Госпоже Богородице, услыши молитву раб Своих, молящихся Тебе.

Радуйся, радуйся, Одигитрие, бдящи и молящися о нас к Богу, и всякия злобы ходатайством Твоим, всяческих скорбей, Богородительнице, всех людей избавляющи.

Слава: Радуйся, радуйся, Пресвятая Одигитрие, Яже прошения наша к пользе нам исполняющи и хотящи всем присно всегда любодружное благое единство, спешное же во изящных.

И ныне: Радуйся, радуйся, кораблем Одигитрие нуждно плавающим, избавляющи верных, и всем избавление от всякия скорби, и недуги пестротныя и медленныя разрешающи вскоре.

Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).

Песнь 8

Ирмос: Отроки благочестивыя в пещи Рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Пресвятая Госпоже Богородице, услыши молитву раб Своих, молящихся Тебе.

Радуйся, всеблагословенная Марие, из Тебе бо всеблагословенный Бог одеявся во всего мя, человека, и, одеявся, соедини Своему Божеству неизреченным соединением, Дево Одигитрие, радуйся, Обрадованная, радосте всего мира.

Пресвятая Госпоже Богородице, услыши молитву раб Своих, молящихся Тебе.

Радуйся, лукавых духов прогонительнице; радуйся, Богородице Одигитрие. Радуйся, яко Тебе небесная невидимая воинства славословят всегда и величают яко Матерь Божию бывшую; радуйся, Яже нижняя сочтавши с вышними.

Слава: Радуйся, всех небесных сил без разсуждения превосходящая; радуйся, Одигитрие. Радуйся, всякия твари Бога рождшая, господствующи ей, Владычице всепетая; радуйся, яко пребываеши Девою, Чистая, и по рождестве.

И ныне: Радуйся, женам всем славо, храме преосвященный Бога нашего; радуйся, Одигитрие, радуйся, душеспасительная всей вселенней; радуйся, покрывающий облаче, небес ширшая; радуйся, мироположнице, Божественнаго мира полна.

Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).

Песнь 9

Ирмос: Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, всеблаженная Богородице, Чистая Приснодево.

Пресвятая Госпоже Богородице, услыши молитву раб Своих, молящихся Тебе.

Радуйся, свеще, Свет невечерний понесшая, и в рождестве Твоем многобожия тьму разрушившая, и адовы пропасти избавльшая люди. Радуйся, Одигитрие Богородице, доброт всех предходатаице.

Пресвятая Госпоже Богородице, услыши молитву раб Своих, молящихся Тебе.

Радуйся, земле, из неяже клас прозябший небесный верным, и мира всего душегубнаго глада избави, разумная и одушевленная. О, радуйся, винограде, иже грозд животный рождшая, Богородице Чистая Одигитрие!

Слава: Радуйся, тайных цветов прекрасный сущий раю; радуйся, Мати Дево, невидимых разум чистотою страннолепно побеждши, Богородительнице. Радуйся, Отроковице, радуйся, Одигитрие, всемирное чудо и слышание.

И ныне: Лето живота нашего прочее сохрани невреждено поможением Твоим, Дево Отроковице, и сподоби конец благий получити нам, воспевающим Тя и взывающим: радуйся, всеблаженная Богородице, Чистая Одигитрие.

Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).

Источник: //www.smolenskaya-fili.ru/prayers/molitvismolenskaya/23-kanon.html

Поделиться:
Нет комментариев

    Добавить комментарий

    Ваш e-mail не будет опубликован. Все поля обязательны для заполнения.