Молитва григорию богослову

3 сильных молитвы святителю Григорию Богослову

Молитва григорию богослову

3 сильных молитвы святителю Григорию Богослову5 (100%) 17 голос.

Молитва первая святителю Григорию Богослову

«О, великий во иерарсех вселенныя учителю богомудрый, преблаженне отче Григорие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом боговедения верныя озаряяй, ложныя учения попаляяй, и всему миру слово спасительныя истины возвещаяй. Ныне же, велие на небесех имеяй дерзновение ко Святей Троице, повози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами.

Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово.

Испроси, о милосердный святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумение и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития, отцем и братиям нашим, блаженное упокоение. Ей, святче Божий, призри милостивно от Обителей Горних на нас смиренных, многими соблазнами и напастьми обуреваемых, и к земли приверженных возведи к высоте небесней.

Преподаждь нам, преблагий отче, твое архипастырское и святое благословение, да оным осеняемии, в сие новое лето и во все прочее время живота нашего в мире, покаянии и послушании Святей Православной Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную, пети и славити во веки веков. Аминь.»

Молитва вторая святителю Григорию Богослову

«О, великий святителю отче Григорие, преславный Вселенския Церкве учителю, славы Пресвятыя Троицы всеусердный поборниче, Матере Божия и Ея Пренепорочнаго Девства предъизбранный исповедниче, пресветлый чистоты, смирения и терпения образе.

Се аз многогрешный и недостойный на высоту небесную взирати, смиренно молю тя, премудрый Церкве Христовы учителю, научи мя тако богобоязненно житие свое проводити, да никогдаже на путь, Божиим повелением противен, уклонюся или совращен буду.

Соблюди и избави мя твоим многомощным предстательством от соблазнов мира и козней диавольских, якоже избавил еси от них юношу, от Сладчайшаго Спасителя нашего отступивша и во власть сатаны впадша.

Даруй мне силу душевную усердным быти подражателем добродетелей твоих высоких: соделай мя в вере правей тверда и непоколебима, укрепи мя малодушнаго в терпении и уповании на Господа, возгрей в сердце моем истинную Христову любовь, да небесных благ паче всех желаю и ими услаждаюся.

Испроси мне у Господа искреннее о гресех сокрушение, да прочее время живота моего в мире, покаянии и исполнении заповедей Христовых провождати буду. Егдаже час моего скончания приблизится, ты, о преблагий отче, с Преблагословенною Девою Мариею, тогда ускори на помощь, защити мя от злобных наветов вражиих, и сподоби мя наследника быти райских селений, да купно с тобою и со всеми святыми непреступнаго Божия Величества Престолу предстану и Живоначальную, Единосущную и Нераздельную Троицу прославляю и воспеваю, присно и в безконечныя веки. Аминь.»

Молитва третья святителю Григорию Богослову

«О, великий и преславный святителю Христов, всея Вселенския Церкве учителю богомудрый, Православия твердый исповедниче и поборниче, преблаженне отче Григорие! Призри от высот небесных на нас, смиренно к тебе припадающих, и умоли Господа Вседержителя, Егоже верный на земли служитель был еси, да дарует нам веры правыя твердое и неизменное сохранение, Церкви Святей послушание, жития нашего исправление, и во всех нуждах, скорбех и искушениих скорое поможение, терпение же и укрепление. Подаждь нам твое святое благословение, да оным осеняемии, сие новое лето, и во вся дни богоугодно, в мире и покаянии, поживем, и во Царствии Небеснем сподобимся купно с тобою и со всеми святыми Живоначальнуто Троицу воспевати и славити, Отца и Сына и Святаго Духа, во веки веков. Аминь.»

Сохранить молитвы в социальных сетях:

Источник: //pravoslavnye-molitvy.ru/grigoriyu-bogoslovu/

Святителю Григорию, архиепископу Константинопольскому, Богослову

Молитва григорию богослову

Па́стырская свире́ль богосло́вия твоего́ ри́торов победи́ трубы́, я́коже бо глубины́ Ду́ха изыска́вшу, и добро́ты веща́ния приложи́шася тебе́. Но моли́ Христа́ Бо́га, о́тче Григо́рие, спасти́ся душа́м на́шим.

Стихи́ра, гла́с 6:

Преподо́бне треблаже́нне, святе́йший о́тче, па́стырю до́брый и Началопа́стыря Христа́ учениче́, положи́вый ду́шу за о́вцы, ты́ и ны́не, всехва́льне богосло́ве Григо́рие, проси́ моли́твами твои́ми дарова́ти на́м ве́лию ми́лость.

Пе́снь 1

Ирмос: Похвалу́ богови́дец Моисе́й Изра́илю предвозглаша́ет, начина́ет же Мариа́м прему́дрым жена́м пе́снь побе́дную: Изба́вителю Бо́гу вси́ воспои́м.

Припев: Святителю отче Григорие, моли Бога о нас.

Изба́ву началоро́днаго, о на́ших же страсте́х кро́вь Богото́чную, ста́л еси́, в же́ртву принося́, и ны́не ве́рным, Григо́рие всему́дре, Бо́га пода́ждь на́м удобопримири́тельна.

Скрижа́ли богоначерта́нныя, во мра́к Мои́сей вше́д, прия́т не́когда, ты́ же, во уме́ поста́вив богоприя́тную трапе́зу, приле́жно Бо́га умоли́л еси́.

Богородичен: Хотя́ за благоутро́бие Свое́ от сме́рти и тли́ па́ки воззва́ти естество́ челове́ческое, Пребоже́ственный, Де́во Всенепоро́чная, в чи́стую утро́бу Твою́ всели́ся.

Пе́снь 3

Ирмос: Пре́жде зача́тия честна́го Саму́ила несомне́нно Бо́гу обеща́вши священнома́ти Анна, ны́не ра́дующися, пое́т с на́ми: утверди́ся в Го́споде се́рдце мое́.

Иже пре́жде изы́тия из утро́бы ро́ждшей тя́ бы́л еси́ предвозвеще́н, преподо́бне о́тче, пронарече́ние нося́ досто́йное, священнонача́льниче прему́дре. Вседу́шно, — ра́дуйся, о́тче, — тебе́ зове́м.

Иже пре́жде да́же изво́лити лука́вая, супру́жницу и споспе́шницу избра́л еси́ изъявле́ньми боже́ственными — богови́дную чистоту́ и целому́дрие, побо́рниче ве́рных. Веселя́щеся, — ра́дуйся, о́тче, — тебе́ зове́м.

Богородичен: Евы прама́тере испра́вила еси́ пре́жде бы́вшее поползнове́ние, прие́мши в Себе́ низве́рженныя восправля́ющее Сло́во Отчее непобеди́мою си́лою, Ма́ти Де́во.

Седа́лен, гла́с 8

Отве́рз уста́ сло́вом Бо́жиим, отры́гнул еси́ прему́дрость, пропове́дниче Све́та, и мудрова́ние Боже́ственное вселе́нней все́ял еси́, отце́в вои́стинну утверди́л еси́ догма́ты, по Па́влу яви́лся еси́ ве́ры побо́рник. Те́м и Ангелов сограждани́н еси́ и си́х собесе́дник яви́вся, блаже́нне, богосло́ве Григо́рие, моли́ Христа́ Бо́га прегреше́ний оставле́ние дарова́ти пра́зднующим любо́вию святу́ю па́мять твою́.

Пе́снь 4

Ирмос: С чу́дным ста́в Авваку́мом на Боже́ственней твое́й стра́жи, Григо́рие, и Су́щаго на ра́мех херуви́мских позна́в, всеми́рнаго бы́л еси́ возвести́тель спасе́ния, при́сно зовы́й: сла́ва си́ле Твое́й, Го́споди.

Бли́з явля́ющимся и пред Бо́гом стоя́щим чинонача́лием подо́бяся, всему́дре, я́же вы́шше те́х умо́м облета́я, во глубину́ же не дости́гл еси́ превысоча́йшее стоя́ние, отто́ле бога́тство нося́ челове́ком неотъе́млемое.

В непостижи́мый вше́д мра́к и, я́ко из пеще́ры ка́менны, узре́в за́дняя, срастворе́нное веще́ственное Невеще́ственному Естеству́, и несли́тнаго смеше́ния бы́л еси́ сказа́тель, Христо́в уго́дник, Того́ рабо́м Его́ умоля́ет бы́ти ми́лостива.

Богородичен: Гора́ показа́лася еси́ Ты́ мы́сленная, от нея́же отсече́ся неизрече́нно честны́й Ка́мень, истня́я мра́чныя пре́лести о́браз и просвеще́нием благода́ти озаря́я ве́рою при́сно вопию́щия: сла́ва си́ле Твое́й, Го́споди.

Пе́снь 5

Ирмос: Угль горя́щий, и́же Иса́ииным устно́м серафи́м приложи́ не́когда, клеще́ю взе́м и приложе́н: о́н же, очище́н, — пра́вде научи́теся, — все́м пропове́даше.

Всему́ огню́ боговиде́ния, всеблаже́нне Григо́рие, присту́пль, чистото́ю ума́ же и души́, несы́тне самору́чно Трисия́нный поче́рпл еси́ Све́т Равнови́дный.

Заря́ми объя́т Трисо́лнечнаго озаре́ния, от облиста́ния же разжже́н и Боже́ственными луча́ми у́м освеща́я, и противосия́тельныя лучи́ все́м изблиста́л еси́.

Богородичен: Све́т от Све́та, Отчее Единоро́дное Сло́во Безнача́льное прие́мши, Ма́ти Де́во, две́рь Све́та я́ве была́ еси́, пра́вды Со́лнце все́м возсия́вши.

Пе́снь 6

Ирмос: Иже в по́нте подъе́мый заключе́ние убежа́нием бу́ри и верже́нием жре́бия и усты́ я́т бы́в морска́го зве́ря, невреди́мь пребы́в, но вопия́ше Ио́на: к Тебе́ живо́т мо́й да взы́дет, Христе́.

Потопле́н ра́зумом не бы́в, и до дна́ испыта́в глубины́ Бо́жия, и отто́ле би́сер поче́рп ты́ Влады́це, и молча́ние, я́коже сло́во, Григо́рие, положи́л еси́ всеизря́днейше.

Моли́твою чи́стою свере́пеющееся ути́шил еси́ мо́ре и, стра́нных оплева́в слове́с слати́ну, ты́ Влады́це, я́ко небе́сная ка́пля, лю́ди ве́рныя испра́вил еси́, Григо́рие.

Богородичен: Непости́жное челове́ческими по́мыслы та́инство, Ма́ти Бо́жия, неизрече́ннаго и стра́шнаго рожде́ния Твоего́: Ты́ бо, Де́во, все́х Творца́ ро́ждши, Де́ва пребыла́ еси́.

Конда́к, гла́с 3

Богосло́вным язы́ком твои́м сплете́ния ри́торская разруши́вый, сла́вне, правосла́вия оде́ждею, свы́ше истка́нною, Це́рковь украси́л еси́, ю́же и нося́щи, с на́ми зове́т, твои́ми ча́ды: ра́дуйся, о́тче, богосло́вия у́ме кра́йнейший.

Икос:

От богосло́вныя и высо́кия му́дрости твоея́ испо́лни мо́й у́м, убо́гий и стра́стный, я́ко да воспою́ житие́ твое́, о́тче: не могу́ бо сло́ва принести́ тебе́, а́ще не ты́ пода́си ми́ кре́пость сло́ва, и ра́зум, и му́дрость, я́ко да от твои́х твоя́ принесу́ тебе́, и от бога́тства доброде́телей твои́х отту́ду обря́щу вину́, и увенча́ю честну́ю и святу́ю твою́ главу́, с ве́рными взыва́я: ра́дуйся, о́тче, богосло́вия у́ме кра́йнейший.

Пе́снь 7

Ирмос: Проидо́ша, я́ко черто́г, пе́щный пла́мень нестерпи́мый и́же за благоче́стие иногда́ о́троцы святи́и, показа́вшеся я́ве, и, согла́сно воспева́юще, пе́снь поя́ху: отце́в Бо́же, благослове́н еси́.

Непра́ведных иге́монов пред суди́щами ста́в, Григо́рие, ерети́чествующих огня́ люте́е ды́шущая стремле́ния благоче́стием соже́гл еси́, Тро́ице вопия́: отце́в Бо́же, благослове́н еси́.

Тро́ицу Всесвяту́ю — догма́тов благочести́вых, Григо́рие, нему́тный Исто́чник, от усте́н излия́вый на зе́млю, цветоно́сну, жесто́кую напая́я, показа́л еси́: отце́в Бо́же, благослове́н еси́.

Богородичен: Умерщвля́ется пра́отец, я́ко безвре́менне са́да вкуси́вый; Ты́ же безконе́чную Жи́знь, о Де́во, прозя́бшая, в раи́ сего́ обита́ти возста́вила еси́, Богороди́тельнице Чи́стая Благослове́нная.

Пе́снь 8

Ирмос: Иже пи́щею не оскверни́вшиися о́троцы ца́рския трапе́зы, во о́гнь, ра́дующеся, внидо́ша не́когда и, в пла́мени ороша́еми, усе́рдно поя́ху: благослови́те, дела́ Госпо́дня, Го́спода.

Вавило́нскаго, о́тче, пла́мене превозвы́сився и па́че того́ благоче́стием распали́вся, Тро́ический неботаи́нник показа́вся и пропове́дник, вопие́ши: благослови́те, дела́ Госпо́дня, Го́спода.

Напа́стныя разли́чне, о́тче, и желе́зныя пе́щи о́гнь угаша́я, удо́бно напа́стей произше́д, к небеси́ возлете́л еси́, вопия́: благослови́те, вся́ дела́ Госпо́дня, Го́спода.

Богородичен: Златови́дный свети́льник Твое́ знамени́тельне явля́ше Боже́ственное Рождество́, Непоро́чная Чи́стая: Ты́ бо Све́т непристу́пный ми́рови возсия́ла еси́, Ему́же вопие́м: по́йте, вся́ дела́ Госпо́дня, Го́спода.

Пе́снь 9

Ирмос: Иже вы́шнюю глубину́ Боже́ственнаго непостиже́ния благоче́стно отве́рз, у́м, я́ко из ка́мене, необъя́тныя Богонача́льныя возвы́сил еси́ Тро́ицы, всеблаже́нне о́тче, тя́ велича́ем.

Иже худу́ю оде́жду зако́ннаго расто́рг писа́ния и, ю́же в не́м, Боже́ственную добро́ту и та́инственную Боже́ственных Ду́ха на́м истолкова́в писа́ний, треблаже́нне о́тче, тя́ велича́ем.

Го́рним лико́м сочи́слен сы́й, преподо́бне о́тче, и́бо с ни́ми во ве́ки водворя́ешися. О твое́й па́стве мольбы́ твори́ к Бо́гу, всеблаже́нне о́тче, тя́ велича́ем.

Иже Боже́ственным научи́вся от Боже́ственнаго и па́че ума́ вдохнове́ния, преподо́бне о́тче, и к те́х та́инственно соверши́вся ненауче́нному соедине́нию безме́рным твои́м жела́нием, всеблаже́нне о́тче, тя́ велича́ем.

Богородичен: Ты́ вмести́лище, Чи́стая, Боже́ственнаго необъя́тия, вы́шше естества́ была́ еси́, я́ко Бо́гу пло́ть взаи́мствовавшая, и Твои́х де́вственных не разве́рзшему ложе́сн, внегда́ ражда́ти без се́мене, Тя́ велича́ем.

Свети́лен

Ме́чь слове́с твои́х и си́ла сего́ язы́ки отсече́ неве́рных до конца́, я́ко ве́щь бо терно́вную, те́х попали́л еси́ безбо́жная новосече́ния, Тро́ице научи́л еси́ покланя́тися боголе́пно, Григо́рие Богосло́ве.

Сла́ва.

Еди́нице Триипоста́сней и Тро́ице соверше́нней в Еди́ном Божестве́, всему́дре богосло́ве, научи́л еси́ покланя́тися: Све́т, реки́й, Отца́ и Сы́на Све́т, па́ки же Све́т Ду́ха Свята́го. Но Еди́н Све́т, Неразде́лен, Неслия́нен, Еди́н бо Бо́г, уясня́яй Единосу́щное, о Григо́рие блаже́нне!

И ны́не, Богородичен:

С Богома́терию и Де́вою Мари́ею и Васили́ем, всему́дре, предстоя́й вели́ким, Непристу́пней Тро́ице, ми́р ми́ру и на́м спасе́ние испроси́, ны́не восхваля́ющим тя́, богосло́ве архиере́ю Григо́рие, ри́торе церко́вный.

Молитва святителю Григорию Богослову

О, великий во иерарсех вселенныя учителю богомудрый, преблаженне отче Григорие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом боговедения верныя озаряяй, ложныя учения попаляяй, и всему миру слово спасительныя истины возвещаяй. Ныне же, велие на небесех имеяй дерзновение ко Святей Троице, повози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами.

Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово.

Испроси, о милосердный святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумение и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития, отцем и братиям нашим, блаженное упокоение. Ей, святче Божий, призри милостивно от Обителей Горних на нас смиренных, многими соблазнами и напастьми обуреваемых, и к земли приверженных возведи к высоте небесней.

Преподаждь нам, преблагий отче, твое архипастырское и святое благословение, да оным осеняемии, в сие новое лето и во все прочее время живота нашего в мире, покаянии и послушании Святей Православной Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную, пети и славити во веки веков. Аминь.

Источник: //xn----7sbahbba0chrecjllhdbcuymu3s.xn--p1ai/kanon/minea_fevral/kan_7fevr_grigorii2.html

Святитель Григо́рий Богослов, Назианзин, Младший, Константинопольский, архиепископ

Молитва григорию богослову

От богосло́вныя и высо́кия му́дрости твоея́ испо́лни мо́й у́м, убо́гий и стра́стный, я́ко да воспою́ житие́ твое́, о́тче: не могу́ бо сло́ва принести́ тебе́, а́ще не ты́ пода́си ми́ кре́пость сло́ва, и ра́зум, и му́дрость, я́ко да от твои́х твоя́ принесу́ тебе́, и от бога́тства доброде́телей твои́х отту́ду обря́щу вину́, и увенча́ю честну́ю и святу́ю твою́ главу́, с ве́рными взыва́я: ра́дуйся, о́тче, богосло́вия у́ме кра́йнейший.

Все молитвы святителю Григорию Богослову

Молитва григорию богослову

Святитель Григорий Богослов – один из величайших христианских богословов, апологетов и гимнографов. Участник Второго Вселенского собора в 381 гожу. Смиренный пастырь, чуждый церковной карьере, ради церковного мира мог пожертвовать и кафедрой епископа Константинополя, и титулом Константинопольского Патриарха.

Святитель Григорий Богослов небесный покровитель ученых, богословов, апологетов и миссионеров.

Ему молятся об укреплении веры, ниспослания проповеднического дара, молитвенности, разумения основ вероучения, об обращении иноверцев, сектантов и раскольников.

Ему вместе со святителями Василием Великим и Иоанном Златоустом издревле в народе молятся при начале строительства дома и вхождении в новый дом, а также о молитвенной защите  в  гонениях и искушениях от злых людей и начальства.

Тропарь святителю Григорию Богослову, глас 1

Пастырская свирель Богословия твоего риторов победи трубы, якоже бо глубины духа изыскавшу, и доброты вещания приложишася тебе. Но моли Христа Бога, отче Григорие, спастися душам нашим.

Кондак святителю Григорию Богослову, глас 3

Богословным языком твоим сплетения риторская разрушивый, славне, православия одеждею, свыше истканною, Церковь украсил еси, юже и носящи, с нами зовет, твоими чады: радуйся, отче, Богословия уме крайнейший.

Молитва четвертая святителю Григорию Богослову

О, великий и преславный святителю Христов, всея Вселенския Церкве учителю богомудрый, Православия твердый исповедниче и поборниче, преблаженне отче Григорие! Призри от высот небесных на нас, смиренно к тебе припадающих, и умоли Господа Вседержителя, Егоже верный на земли служитель был еси, да дарует нам веры правыя твердое и неизменное сохранение, Церкви Святей послушание, жития нашего исправление, и во всех нуждах, скорбех и искушениих скорое поможение, терпение же и укрепление. Подаждь нам твое святое благословение, да оным осеняемии, сие новое лето, и во вся дни богоугодно, в мире и покаянии, поживем, и во Царствии Небеснем сподобимся купно с тобою и со всеми святыми Живоначальнуто Троицу воспевати и славити, Отца и Сына и Святаго Духа, во веки веков. Аминь.

Житийная и научно-историческая литература о святителе Григорие Богослове:

  • Святитель Григорий Богослов – Православие.Ru

Труды святителя Григория Богослова:

  • “Слово на Святую Пасху и о тридневном сроке Воскресения Христова” – святитель Григорий Богослов
  • “Слово о догмате Святой Троицы” – святитель Григорий Богослов
  • “Песнопения таинственные” – святитель Григорий Богослов
  • “Молитва шествующего в путь” – святитель Григорий Богослов
  • “Мысли, писанные одностишиями” – святитель Григорий Богослов
  • “Мысли, писанные четверостишиями” – святитель Григорий Богослов
  • “О том, какия подобает читати книги Ветхаго и Новаго Завета” – святитель Григорий Богослов
  • “Плач Григория о себе самом” – святитель Григорий Богослов
  • “Плач и моление ко Христу” – святитель Григорий Богослов
  • “Послания” – святитель Григорий Богослов
  • “Слово на Пасху и о своем промедлении” – святитель Григорий Богослов
  • “Слово к призвавшим вначале, но не встретившим Св. Григория, когда он стал пресвитером” – святитель Григорий Богослов
  • “Слово, в котором Григорий Богослов оправдывает удаление свое в Понт после рукоположения в пресвитеры и возвращение оттуда, а также учит, как важен сан священства и каков должен быть епископ” – святитель Григорий Богослов
  • “Слово Первое обличительное на царя Юлиана” – святитель Григорий Богослов
  • “Слово Второе обличительное на царя Юлиана” – святитель Григорий Богослов
  • “Слово о мире, произнесенное в присутствии отца после предшествовавшего молчания по случаю воссоединения монашествующих” – святитель Григорий Богослов
  • “Слово надгробное брату Кесарию, произнесенное еще при жизни родителей” – святитель Григорий Богослов
  • “Слово надгробное Горгонии, сестре Св. Григория Назианзина” – святитель Григорий Богослов
  • “Слово защитительное, говоренное им отцу своему Григорию в присутствии Василия Великого после рукоположения Св. Григория Богослова в епископа Сасимского” – святитель Григорий Богослов
  • “Слово защитительное, говоренное им отцу своему и Василию Великому по возвращении Св. Григория Богослова из уединения” – святитель Григорий Богослов
  • “Слово говоренное брату Василия Великого, Святому Григорию, епископу Нисскому, когда он пришел к Св. Григорию Богослову по рукоположении его в сан епископа” – святитель Григорий Богослов
  • “Слово, говоренное отцу, поручившему ему попечение о Назианзской церкви” – святитель Григорий Богослов
  • “Слово, произнесенное при рукоположении Евлалия в сан Епископа Доарского” – святитель Григорий Богослов
  • “Слово о любви к бедным” – святитель Григорий Богослов
  • “Слово, произнесенное в присутствии отца, который безмолвствовал от скорби, после того как град опустошил поля” – святитель Григорий Богослов
  • “Слово в память святых мучеников маккавеев” – святитель Григорий Богослов
  • “Слово, произнесенное встревоженным жителям Назианза и прогневанному градоначальнику” – святитель Григорий Богослов
  • “Слово, сказанное в похвалу отцу и в утешение матери Нонне в присутствии Св. Василия, к которому обращено вступление к данному слову” – святитель Григорий Богослов
  • “Слово, произнесенное Св. Григорием Богословом о словах своих Юлиану, производившему перепись народа и уравнение податей” – святитель Григорий Богослов
  • “Слово похвальное Афанасию Великому, архиепископу Александрийскому” – святитель Григорий Богослов
  • “Слово о мире, произнесенное на общем собрании единоверных, бывшем после примирения” – святитель Григорий Богослов
  • “Слово о мире, произнесенное в Константинополе по случаю распри, произошедшей в народе, о некоторых несогласных между собой епископах” – святитель Григорий Богослов
  • “Слово в похвалу святому священномученику Киприану, сказанное на другой день его памяти по возвращении Григория из села” – святитель Григорий Богослов
  • “Слово в похвалу философу Герону, возвратившемуся из изгнания” – святитель Григорий Богослов
  • “Слово, произнесенное Святым Григорием Богословом о себе самом, когда он после покушения Максима занять архиепископский престол в Константинополе возвратился из села” – святитель Григорий Богослов
  • “Слово против евномиан и о богословии первое, или предварительное” – святитель Григорий Богослов
  • “Слово о богословии второе” – святитель Григорий Богослов
  • “Слово о богословии третье, о Боге Сыне первое” – святитель Григорий Богослов
  • “Слово о богословии четвертое, о Боге Сыне второе” – святитель Григорий Богослов
  • “Слово о богословии пятое, о Святом Духе” – святитель Григорий Богослов
  • “Слово о соблюдении доброго порядка в собеседовании и о том, что не всякий человек и не во всякое время может рассуждать о Боге” – святитель Григорий Богослов
  • “Слово против ариан и о самом себе” – святитель Григорий Богослов
  • “Слово к пришедшим из Египта” – святитель Григорий Богослов
  • “Слово в память мучеников и против ариан” – святитель Григорий Богослов
  • “Слово о себе самом и к говорившим, что Св. Григорий желает константинопольского престола” – святитель Григорий Богослов
  • “Слово на евангельские слова: “Когда окончил Иисус слова сии…” и проч.” – святитель Григорий Богослов
  • “Слово на Богоявление или на Рождество Спасителя” – святитель Григорий Богослов
  • “Слово на святые светы явлений Господних” – святитель Григорий Богослов
  • “Слово на Святое Крещение” – святитель Григорий Богослов
  • “Слово на Святую Пятидесятницу” – святитель Григорий Богослов
  • “Слово прощальное, произнесенное во время прибытия в Константинополь ста пятидесяти епископов” – святитель Григорий Богослов
  • “Слово надгробное Василию, архиепископу Кесарии Каппадокийской” – святитель Григорий Богослов
  • “Слово на неделю новую, на весну и в память мученика Маманта” – святитель Григорий Богослов
  • “Слово на Святую Пасху” – святитель Григорий Богослов
  • “Стихотворения богословские” – святитель Григорий Богослов
  • “Стихотворения исторические. Раздел первый. О себе” – святитель Григорий Богослов
  • “Стихотворения исторические. Раздел второй. О других” – святитель Григорий Богослов
  • “Стихотворения исторические. Надгробия” – святитель Григорий Богослов
  • “Стихотворения исторические. Надписания” – святитель Григорий Богослов
  • “Письма” – святитель Григорий Богослов
  • “Завещание” – святитель Григорий Богослов
  • “Сотницы” – святитель Григорий Богослов
  • “О человеках, во плоти живущих подобно бесплотным” – святитель Григорий Богослов

Источник: //www.k-istine.ru/orationem/orationem-252.htm

Поделиться:
Нет комментариев

    Добавить комментарий

    Ваш e-mail не будет опубликован. Все поля обязательны для заполнения.